Ghazal

केहिकुरा मैले तिम्रो संगतसित सिकेको छु ।
केहि कुरा सहनलाई यि खतसित सिकेको छु ।।


छाती कटान गरीगरी वहाव सहज पारिदिन्छ,
तिम्रो यात्रा जोगाइराख्न पर्वतसित सिकेको छु ।।


गिर्दोलाई सम्हाल्नमा कति जोखिम मोल्नुपर्छ,
मैले आफ्नै खस्किएको इज्जतसित सिकेको छु ।।


बग्दाबग्दै मैलो पानी संलिएर आएपछि,
सुधार के हो प्रकृतिको आदतसित सिकेको छु ।।


तयारीमा जुट्नू सँधै यज्ञ नै त हो जिन्दगी,
बेलाबेला आइपर्ने आपतसित सिकेको छु ।। 

- Gairaghare