Ghazal

एकै छिनको पूर्णिमाले चन्द्रमाको दाग खुल्छ ।
नगर माग मिलनको सामु हुँदा राज खुल्छ ।।

आधा जीवन अन्धकारमा डुबाएको थाहै हुन्न,
हामी घाम घाम भन्छाँै, बत्तिबाट साँझ खुल्छ ।।

चोरी भित्र रम्नेहरु पछुतोको घुम्टो ओड्छन,
दुनियाँको सामु जब भर परेको रात खुल्छ ।।

दोकान थापी हिँड्नेलाई थाहा हुनु नौलो होइन,
आफ्नो सामान विक्री हुने कहाँकहाँ हाट खुल्छ ।।

अभरमा परेँ भनी यकिन दिने बटुवालाई,
नियत खोटै भएपनि हार्दिकताको बास खुल्छ ।।