Ghazal

खुसी सबैसँग बाँड्नु पीडा छोपी राख्नूू ।
पीडा नै त इज्जत हो आँफै बोकी राख्नूू ।।

अपेक्षाको रासमाथि राख्दै फूलपाती,
भीखै मागेसरी देउता किन ढोगी राख्नु ।।

जसको दुःख उसैलाई माया हुँदो रैछ,
अरुले त घार पाए खोज्छन घोची राख्नु ।।

पुर्याउनेको वेहालसँग कसलाई वास्ता छ र,
भेटेसम्म ध्याउन्न छ भित्री गोजी राख्नु ।।

विना स्वार्थ मनैदेखि म त समर्पित छुु,
हैन जस्तो लाग्छ माया मनमा खोटी राख्नुु ।।

उठाएर गुम्सिएको दुुःख नबुुझ्नेको,
निसासिदै थोत्रो घुम्टो किन ओडी राख्नुु ।।