गीत

केटी राम्रा उकुसमुकुस, अंग मौलाएर
भन्छन सबै हिजोआज, मलाई औलाएर

जुन राम्रो चम्किएको, फूल फक्रिएको
ज्यान राम्रो जवानीमा, बैस लर्किएको

अपजस आउछ गाउँमा, केटा बौलाएर
अटसमटस अंग साँच्चै, आयो मौलाएर

केटी राम्रा उकुसमुकुस............

मलाइहेरी विम्व दिन्छन, खोला उर्लिएको
निकै लाग्छ छातिठोकी, टोलै कुर्लिएको
नयाँ चामल खान्छुभन्छन, धेरै चौलाएर
अटसमटस अंग साँच्चै, आयो मौलाएर

केटी राम्रा उकुसमुकुस, अंग मौलाएर
भन्छन सबै हिजोआज, मलाई औलाएर

गैराघरे
केउरेनीपानी–६, भोजपुर ।