mycorner

የጉዞ ማስታወሻዎቼ

ፊት ለፊትህ የተቀመጠችው ይቺ ባላገር ሴት፣ከንፈሯ የተሰነጣጠቀ፣በሜትር የገዛችውን ባውንድ አናቷ ላይ የደገለለች፣አሁን አዲሳባ አጎቷን ልታስታምም ዳቦ ቆሎ አንቦልቡላ የገዛቻትን የጎማ ጫማ ያደረገች፣እና አጠገቧ አፍላፍ ገጥመው የተቀመጡ ጥንዶችን በስርቆሽ እያየች በአግቦ ይሁን በእፍረት ሰባ ጊዜ አፏን ሸርመም የምታደርግ ጉንፋም ሴትዮ ይሄኔ ከ"እሳቸው" እጅ እቅፍ አበባና ሜዳሊያ የተሸለመች የግብርና መር ስርዓቱ synthetic "አርኣያ" እና "ልማታዊ" አርሶ አደር ናት ወይ ድንገት በደጇ ብታልፍ እኔ ነኝ ያለ ጠላዋን በፋጋ የምትግትህ ደግ ሴት ናት፣ወይ የጠበስካት በርድ ቺክ አክስት ልትሆን ትችላለች… እና አንተ የደቡብ አፍሪካ ኒጋር ነህ ወይ ሰው የምትፀየፍ?! . . . .አለኝ ከጎኔ ጭብጥ ብሎ የተቀመጠው ትንሽዬ ሰው። እነኚህን ነጎድጓዳማ ቃላት ሲያወርድብኝ ራሴን መቀመቅ ውስጥ እንደገባሁ ማሰብ ነበረብኝ።ግን አሁን ካችኣምና አይደለም።በአንድ አመት ውስጥ ብዙ ነገሮች ናቸው የሚለዋወጡት።ምንም እንኳን ከሞቱ ሶስት አመት የሆናቸው ስም አይጠሬው ጠቅላያችንን ሃረጋት እንደዳዊት መዝሙራት የሸመደድን ቢሆንም።ኢትዮጲያዊነት በቁም ትርጉሙ ግራ የተጋቡ ሰዎችነት እስኪሆን አስቸጋሪና አወናባጅ ነን። የሰውዬው አይጠበቄ ውርጂብኝ ፊት ለፊቴ የተቀመጠችዋን ባላገር እያየሁ ካሰብኩት ጋር ያለመገጣጠሙ ቢያስፈግገኝም የሁለታችን ልዩነት አስገርሞኝም አላባራ!!