lyricalthoughts

Words that come straight from my heart, aiming to touch the hearts of yours.

Tum Bin

Agar tum mujhse saccha pyaar karte ho,

Agar tum vakai me mujhpe marte ho,

To tumhare liye mai kya hun, bas itna bata dena,

Tumhare dil me jo baat hai, use aaj jata dena.

 

Mai nahi kahunga tumse, ki tum chand si lagti ho,

Kyuki tumhe chand kahu, to tum andheri raat me akeli rehe jaogi,

Aur andhere ka dar raatbhar kaise sehe paogi?

 

Mai ful bhi nahi kahunga tumhe, kyuki vo to sukh jayega,

Mai dil bhi nahi kahunga tumhe, kyuki vo to ruk jayega.

 

Tum aayina bhi nahi ho, jo tum fut jaogi,

Tum saas bhi nahi ho, jo tum tut jaogi.

 

Tum nahi ho koi geet, jise koi bhi gungunayega,

Tum kavita bhi nahi ho, jise koi apni kehekar sunayega.

 

Aie Neer bas itna bata dena use,

Tum bas tum ho, baki kuch bhi nahi,

Mai bhi aab tum hi hun, Kyuki  tum bin to mai kuch bhi nahi…..