lyricalthoughts

Bheed hoti hai logoki mere idhar

Bheed hoti hai logoki mere idhar,
Fir bhi tanha hi kyu rehe jata hun mai?
Log milte hain aake bahut mujhase lekin,
Milkar bhi unhe mil na pata hun mai.


Vo sunate hain kitane hi kisse mujhe,
Unse apni kabhi kehe na pata hun mai.
Itna shor akhir ye karte hain kyu?
Ke khud ko bhi khud na sun pata hun mai.


Uthke jane lage log ek-ek karke,
Sab ke jane ke baad rehe jata hun mai.


Bheed me jo kabhi dhunta hun me khudko,
Mujhko bas akela hi pata hun mai.


Ye na socho ke mai akela nahi hun,
Apni tanahayi ko bas chupata hun mai.


Bheed hoti hai logo ki mere idhar,
Fir bhi tanha hi kyu rehe jata hun mai…